Бугун самарқандлик бунёдкорлар аждодлардан мерос қолган иншоотларни
асраб-авайлаш билан бир қаторда, ўзлари ҳам уларга муносиб бўлиш мақсадида
қурилиш-таъмирлаш ишларини жадаллик билан давом эттириб келмоқда.
Сўнгги йилларда вилоятда қад ростлаётган замонавий шаҳарчалар, турар жой
массивлари ва бошқа турдаги объектлар фикримизнинг яққол далилидир.
Бу жараёндаги энг муҳим жиҳатлардан бири, ана шу кенг миқёсдаги бунёдкорлик ишларида сифатга алоҳида эътибор қаратилаётганидир. Зеро, бугун қурилган иморат бир неча йил эмас, бир неча юз йиллар давомида авлодларга муносиб хизмат қилиши лозим.
