Тадбирда Президент Шавкат Мирзиёев нутқ сўзлаб, бу тарихий воқеа эканини та’кидлади.
«Бугун “Янги Ўзбекистон” университети ва Тошкент давлат педагогика университетининг кампуслари, Миллий кутубхона, Миллий театр, Алишер Навоий номидаги халқаро илмий-тадқиқот маркази, Адабиёт музейи, ижод мактаби ҳамда Миллий мақом марказига тамал тоши қўямиз. Янги шаҳар қурилиши илм-фан, ма’навият масканларидан бошланаётгани бежиз эмас. Булар ма’рифатли жамият барпо этиш ғоямизнинг асоси ва намунаси бўлади»,
– деди давлат раҳбари.
