O‘sib borayotgan talabni hisobga olgan holda barqaror bozor mexanizmlarini yaratish va investisiyalarni jalb etishga qaratilgan tariflarning erkinlashtirilishi energetika sohasidagi keng ko‘lamli islohotlarning davomi bo‘ldi. Iqtisodiy tadqiqotlar va islohotlar markazi 2024 yil
may oyida joriy etilgan ijtimoiy iste’mol normasiga asoslangan yangi tarif siyosati doirasida uy xo‘jaliklarining energiya iste’moliga ta’sirini baholash bo‘yicha tadqiqot o‘tkazdi.
Тадқиқотда республиканинг барча ҳудудларидан 3516 минг уй хўжаликлари иштирок этди. Шунингдек, 3,5 миллион табиий газ ва 8 миллион электр энергияси абонентларининг истеъмол маълумотлари таҳлил қилинди. Бу эса, энергия истеъмоли таркиби ва тарифлар ўзгаришига аҳолининг муносабатини тушуниш имконини беради. Таҳлил натижалари шуни кўрсатадики, 2024 йилнинг май-декабрь ойларида электр
энергияси истеъмоли 2023 йилнинг шу даврига нисбатан 10,6 фоизга камайиб, 1,3 миллиард кВт/соат тежалган. Илгари ойига 10 минг кВт/соатдан ортиқ электр энергияси истеъмол қилган уй хўжаликлари сони айниқса сезиларли даражада камайди. 2023 йилда бундай оилаларнинг сони 80 мингга яқин бўлган бўлса, 2024 йилда бу кўрсаткич 15 мингтага камайди.
