Orolbo‘yi mintaqasida faoliyat ko‘rsatayotgan bunyodkorlar kasb bayramini munosib
sovg‘alar bilan kutib olishdi. Quruvchilar kuni arafasida 6 ta ovul fuqarolar yig‘ini uchun zamonaviy mahalla markazi, 3 ta ishlab chiqarish korxonasi binosi, Beruniy, Ellikqal’a, Amudaryo, Shumanay tumanlaridagi 7 ta ko‘p qavatli uylar atrofi obodonlashtirilib, aholi uchun sport maydonchalari hamda xizmat ko‘rsatish shoxobchalari qurilib, foydalanishga topshirildi.
Bulardan tashqari, Nukus tumani hududida joylashgan “Diqan arna” mahalla
fuqarolar yig‘inida qisqa muddatda qurilib, zamon talablariga mos oilaviy
shifokorlik punktining ishga tushgani ham bunyodkorlarning aholiga munosib sovg‘asi bo‘ldi.
