Оролбўйи минтақасида фаолият кўрсатаётган бунёдкорлар касб байрамини муносиб
совғалар билан кутиб олишди. Қурувчилар куни арафасида 6 та овул фуқаролар йиғини учун замонавий маҳалла маркази, 3 та ишлаб чиқариш корхонаси биноси, Беруний, Элликқалъа, Амударё, Шуманай туманларидаги 7 та кўп қаватли уйлар атрофи ободонлаштирилиб, аҳоли учун спорт майдончалари ҳамда хизмат кўрсатиш шохобчалари қурилиб, фойдаланишга топширилди.
Булардан ташқари, Нукус тумани ҳудудида жойлашган “Диқан арна” маҳалла
фуқаролар йиғинида қисқа муддатда қурилиб, замон талабларига мос оилавий
шифокорлик пунктининг ишга тушгани ҳам бунёдкорларнинг аҳолига муносиб совғаси бўлди.
