Тошкент вилоятида Ўзбекистондаги илк агро-фотоволтаик (Agri-PV) станциясини қуриш ишлари бошланиши кутилмоқда. “Agrisolarplov” номли мазкур станция Voltalia компаниясининг молиявий қўллаб-қувватлаши асосида амалга оширилмоқда.
Лойиҳа Тошкент тумани Кўксарайри ва картошкачилик илмий-тадқиқот институти ҳудудида жойлашган 1,5 гектар майдонда барпо этилади. У ерда 819 дона замонавий қуёш панеллари 1 гектар ер майдонига ўрнатилиши режалаштирилган. Станциянинг электр энергияси ишлаб чиқариш қуввати соатига 507,78 кВтни ташкил этади, йиллик умумий ишлаб чиқариш ҳажми эса тахминан 876 МВт/соатга етказилиши кутилмоқда. Қурилиш жараёнига 25 нафар ишчи жалб этилиб, 2025 йил августидан 2026 йил февралгача якунланиши режалаштирилган.
