Мамлакатимизда туризм соҳасини ривожлантириш, сайёҳлар учун қулай ва
замонавий масканлар барпо этиш, энг муҳими, табиат ва атроф-муҳитга эҳтиёткорона
муносабатда бўлишга алоҳида эътибор қаратилмоқда. Шу мақсадда, Сурхондарё
вилоятининг тоғли ҳудудлари, сув омборлари ва кўл соҳилларида экотуризмни
ривожлантиришга кенг йўл очилмоқда.
Қумқўрғон туманидаги “Жанубий Сурхон” сув омбори ҳудудида замонавий
экотуризм мажмуаси барпо этилиши ҳам ана шу эзгу мақсад йўлидаги амалий
қадамлардан биридир.
