Toshkent shahar Qurilish va uy-joy kommunal xo‘jaligi sohasida hududiy nazorat qilish inspeksiyasi ishchi guruhi tomonidan poytaxtimizning barcha tumanlarida nazorat tadbirlari o‘tkazilmoqda.
Xususan, nazorat tadbirlari davomida Sergeli tumanida qurilayotgan ko‘p qavatli turar joy binosi qurilishi jarayonida bir qator qoidabuzarliklar aniqlandi. Ob’ektda texnika xavfsizligi qoidalariga rioya qilinmayotgani, ichki devorlarni terish ishlari loyiha talablariga zid ravishda amalga oshirilayotgani qayd
etildi. Aniqlangan qoidabuzarliklar yuzasidan qurilish-montaj ishlarining loyiha hujjatlariga zid ravishda bajarilgan qismlari joyida buzdirildi. Ob’ekt uchun mas’ul qurilish tashkiloti vakillariga qoidabuzarliklarni bartaraf etish bo‘yicha
bajarilishi majburiy bo‘lgan yozma ko‘rsatmalar berildi. Qurilishda aniqlangan qoidabuzarliklar to‘liq bartaraf etilguniga qadar ob’ektdagi qurilish-montaj ishlari vaqtincha to‘xtatildi.
