Yurtimizda so‘nggi yillarda barcha sohalar kabi qurilish sohasini rivojlantirishga ham alohida e’tibor qaratilmoqda. Tizimni yanada takomillashtirishga xizmat qiluvchi Prezident farmon hamda qarorlari, qabul qilingan davlat dasturlari, ular ijrosini ta’minlash, sohada islohotlar samaradorligini oshirish bo‘yicha olib borilayotgan tadbirlar natijasida bunyodkorlik ko‘lami tobora kengayib bormoqda.
Xususan, O‘zbekiston Respublikasi Prezidentining 2021 yil 9 dekabrdagi “Yangi O‘zbekiston” massivlarini qurish va hududlarning ijtimoiy-iqtisodiy rivojlanishini ta’minlash chora-tadbirlari to‘g‘risida”gi
PF-32-sonli Farmoniga muvofiq, “Qishloqqurilishloyiha” MChJ Bosh loyiha-qidiruv instituti tomonidan 2022 yilda 24 ta “Yangi O‘zbekiston” massivlari loyihalari yaratildi.
Shu maqsadda institut mutaxassislari “Yangi O‘zbekiston” massivlari tarkibida qurilishi rejalashtirilgan ijtimoiy soha ob’ektlari uchun bir qator namunaviy loyihalar ham ishlab chiqishdi.
330, 660, 990, 1320, 1650 o‘rinli maktablar:
Maktablar binolarini loyihalashda asosan energiya tejamkor qurilish materiallaridan foydalanilgan hamda o‘quvchi va o‘qituvchilar uchun bir qator qulay shart-sharoitlar ko‘zda tutilgan. Maktablarga kelajakda aholi soni o‘sishiga qarab qo‘shimcha o‘quv bloklari qo‘shish hisobiga, 330 o‘rinli maktabni 660 va 990 o‘ringa, 660 o‘rinli maktabni 990 va 1 320 o‘ringa, 990 o‘rinli maktabni 1 320 va 1 650 o‘ringa aylantirish ko‘zda tutilgan.
Maktablar binolarida axborot resurslariga ega kutubxona va o‘quv xonasi, stem laboratoriya xonasi, tikish-bichish va to‘qish ustaxonasi, pishiriq pishirishni o‘rgatish xonasi, yog‘och va temirga ishlov berish ustaxonasi, ko‘p funksiyali maydon (Kaorking), stendap xonasi, barcha fanlarni o‘qitish xonalari, sport zallar, oshxona loyihalangan. Ushbu ro‘yxatda keltirilgan talablar asosida maktablar binolarini qurish, atrofini obodonlashtirish hamda ko‘kalamzorlashtirish uchun o‘rtacha 0,7-1,5 ga yer maydonlari talab etiladi.
90, 120, 180 o‘rinli maktabgacha ta’lim tashkilotlari:
Barcha namunaviy maktabgacha ta’lim muassasalari binolarini loyihalashda asosan energiya tejamkor qurilish materiallaridan foydalanilgan hamda bolalar uchun bir qator qulay shart-sharoitlar ko‘zda tutilgan. MTT binolarida ko‘p funksiyali zal, mudira xonasi, guruhlar uchun xonalar, hamshira xonasi, xizmat ko‘rsatish xonasi, hovlida yozgi o‘yin maydonchalari mavjud. Ushbu ro‘yxatda keltirilgan talablar asosida binolarni qurish, atrofini obodonlashtirish va ko‘kalamzorlashtirish uchun o‘rtacha 0,6-1,0 ga yer maydonlari talab etiladi.
Mahalla fuqarolar yig‘ini kompleksi binosi:
Mahalla binosi namunaviy loyihasi bir qavatdan iborat bo‘lib, uning tarxdagi o‘qlarining o‘lchamlari 10,8×15,0 metr. Mahalla fuqarolar yig‘ini binosini loyihalashda asosan energiya tejamkor qurilish materiallaridan foydalanilgan hamda aholi uchun bir qator qulay shart-sharoitlar ko‘zda tutilgan. Xususan, aholiga ko‘rsatiladigan xizmat sifatini oshirish uchun mahalla binosi bitta joyda – ochiq ish joylarida (“open space”) joylashtirilgan. Bu talablar asosida mahalla binosida kamida 12 ta xona qurish, atrofini obodonlashtirish hamda ko‘kalamzorlashtirish maqsadida 0,10 ga yer maydoni talab etiladi.
Binoning tashqi devorlari 200 mm qalinlikdagi yengil betonli bloklardan (gazoblok) iborat bo‘lib, uning ustidan qo‘shimcha issiqlik himoya qatlami sifatida hududining iqlim sharoitiga qarab 50-100 mm qalinlikdagi bazalt tolali mineral plitalari bilan qoplash ko‘zda tutilgan.
10 o‘rinli hammom binosi:
Hammom binosi namunaviy loyihasi bir qavatdan iborat bo‘lib, uning tarxdagi o‘qlarining o‘lchamlari 11,8×15,6 metr. Binoning tashqi devorlari 510 mm qalinlikdagi pishiq g‘ishtdan bo‘lib, uning ustini qo‘shimcha issiqlik himoya qatlami sifatida 50-100 mm qalinlikdagi bazalt tolali mineral plitalari bilan qoplash ko‘zda tutilgan. Ushbu talablar asosida hammom binosini qurish, atrofini obodonlashtirish va ko‘kalamzorlashtirish uchun kamida 0,04 ga yer maydoni talab etiladi.
Binoning texnik iqtisodiy ko‘rsatkichlari:
- qurilish maydoni – 233,26 m²;
- umumiy maydoni – 142,93 m²;
- qurilish hajmi – 801,40 m³.
50 qatnov o‘ringa mo‘ljallangan bir qavatli poliklinika binosi:
Poliklinika binosi loyihasi bir qavatdan iborat bo‘lib, uning tarxdagi o‘qlarining o‘lchamlari 12,0×29,4 metr. Bino tashqi devorlari 200 mm qalinlikdagi yengil betonli bloklardan iborat (gazoblok) bo‘lib, ustidan qo‘shimcha issiqlik himoya qatlami sifatida hududining iqlim sharoitiga qarab 50-100 mm qalinlikdagi bazalt tolali mineral plitalar bilan qoplash ko‘zda tutilgan. Binoda qatnovga mos ravishda barcha shifokorlar xonalari, laboratoriyalar, fizioterapiya xonalari hamda ayollar va erkaklar uchun hojatxonalar mavjud. Ushbu binoni qurish, atrofini obodonlashtirish va ko‘kalamzorlashtirish uchun kamida 0,08 ga yer maydoni talab etiladi.
Binoning texnik iqtisodiy ko‘rsatkichlari:
- qurilish maydoni – 392,40 m²;
- umumiy maydoni – 328,50 m²;
- qurilish hajmi – 1 531,00 m³.
100 qatnov o‘ringa mo‘ljallangan 2 qavatli poliklinika binosi:
Poliklinika binosi namunaviy loyihasi 2 qavatdan iborat bo‘lib, uning tarxdagi o‘qlarining o‘lchamlari 12,3×21,0 metr. Tashqi devorlari 200 mm qalinlikdagi gazoblokdan bo‘lib, uning ustidan qo‘shimcha issiqlik himoya qatlami, ya’ni, 50 mm qalinlikdagi bazalt tolali mineral plita bilan qoplangan. Binoda qatnovga mos ravishda barcha shifokorlar uchun xonalar, laboratoriya xonalari, fizioterapiya xonalari, kunduzgi statsionar hamda ayollar va erkaklar uchun hojatxonalar mavjud. Ushbu binoni qurish, atrofini obodonlashtirish va ko‘kalamzorlashtirish uchun kamida 0,08 ga yer maydoni talab etiladi.
Binoning texnik iqtisodiy ko‘rsatkichlari:
- qurilish maydoni – 274,60 m²;
- umumiy maydoni – 442,85 m²;
- qurilish hajmi – 1 953,00 m³.
Ko‘p qavatli uy-joylar:
Monolit temir-beton konstruksiyali 5 qavatli, 1 yo‘lakli, 20 xonadonli 2-3 xonali (0-qavatida kommunal uy-joylar joylashgan), tarxdagi o‘qlarining o‘lchamlari 17,1×14,6 metr.
Binoning texnik iqtisodiy ko‘rsatkichlari:
- xonadonlar yashash maydoni – 588,0 m²;
- xonadonlar umumiy maydoni – 878,0 m²;
- qurilish maydoni – 263,5 m²;
- qurilish hajmi – 4489,95 m³.
Monolit temir beton konstruksiyali 5 qavatli, 1 yo‘lakli, 16 xonadonli 2-3 xonali (birinchi qavatida noturar joylar ko‘zda tutilgan, 0-qavatida kommunal uy-joylar joylashgan), tarxdagi o‘qlarining o‘lchamlari 20,0×16,76 metr.
Binoning texnik iqtisodiy ko‘rsatkichlari:
- xonadonlar yashash maydoni – 644,36 m²;
- xonadonlar umumiy maydoni – 989,32 m²;
- qurilish maydoni – 408,83 m²;
- qurilish hajmi – 6 511,37 m³.
Monolit temir-beton konstruksiyali 5 qavatli, 1 yo‘lakli, 20 xonadonli 2-3 xonali, tarxdagi o‘qlarining o‘lchamlari 15,9×17,6 metr.
Binoning texnik iqtisodiy ko‘rsatkichlari:
- xonadonlar yashash maydoni – 607,5 m²;
- xonadonlar umumiy maydoni – 956,5 m²;
- qurilish maydoni – 295,56 m².
Monolit temir-beton konstruksiyali 5 qavatli, 2 yo‘lakli, 40 xonadonli 2-3 xonali (0-qavatida kommunal uy-joylar joylashgan), tarxdagi o‘qlarining o‘lchamlari 36,0×18,0 m;
Binoning texnik iqtisodiy ko‘rsatkichlari:
- xonadonlar yashash maydoni – 1 295,50 m²;
- xonadonlar umumiy maydoni – 2 215,50 m²;
- qurilish maydoni – 641,85 m²;
- qurilish hajmi – 11 450,0 m³.
Monolit temir-beton konstruksiyali 7 qavatli, mansardali, 1 yo‘lakli, 42 xonadonli 1-2 xonali, tarxdagi o‘qlarining o‘lchamlari 36,0×18,0 metr.
Binoning texnik iqtisodiy ko‘rsatkichlari:
- xonadonlar yashash maydoni – 991,16 m²;
- xonadonlar umumiy maydoni – 1 833,35 m²;
- qurilish maydoni – 349,27 m²;
- qurilish hajmi – 9 695,92 m³.
Monolit temir-beton konstruksiyali 7 qavatli, 2 yo‘lakli, 52 xonadonli, 1-2-3 xonali (birinchi qavatida noturar joylar ko‘zda tutilgan), tarxdagi o‘qlarining o‘lchamlari 36,0×18,0 metr.
Binoning texnik iqtisodiy ko‘rsatkichlari:
- xonadonlar yashash maydoni – 1 681,08 m²;
- xonadonlar umumiy maydoni – 2 994,98 m²;
- qurilish maydoni – 728,57 m²;
- qurilish hajmi – 15 293,0 m³.
Monolit temir-beton konstruksiyali 9 qavatli, 2 yo‘lakli, 68 xonadonli, 2-3 xonali (birinchi qavatida noturar joylar ko‘zda tutilgan), tarxdagi o‘qlarining o‘lchamlari 43,4×18,4 metr.
Binoning texnik iqtisodiy ko‘rsatkichlari:
- xonadonlar yashash maydoni – 2 412,64 m²;
- xonadonlar umumiy maydoni – 4 097,16 m²;
- qurilish maydoni – 767,75 m²;
- qurilish hajmi – 22 143,85 m³.
Monolit temir-beton konstruksiyali 12 qavatli, 1 yo‘lakli, 48 xonadonli, 2-3 xonali, tarxdagi o‘qlarining o‘lchamlari 20,5×18,4 metr.
Binoning texnik iqtisodiy ko‘rsatkichlari:
- xonadonlar yashash maydoni – 1 633,2 m²;
- xonadonlar umumiy maydoni – 3 365,1 m²;
- qurilish maydoni – 419,73 m²;
- qurilish hajmi – 16 039,66 m³.
Monolit temir-beton konstruksiyali 16 qavatli, 2 yo‘lakli, 128 xonadonli, 2-3 xonali, tarxdagi o‘qlarining o‘lchamlari 45,0×18,4 metr.
Binoning texnik iqtisodiy ko‘rsatkichlari:
- xonadonlar yashash maydoni – 5 059,20 m²;
- xonadonlar umumiy maydoni – 8 419,70 m²;
- qurilish maydoni – 735,52 m²;
- qurilish hajmi – 40 939,31 m³.
