Denov bugun nafaqat iqtisodiy va madaniy hayoti bilan, balki me’morchiligi
orqali ham yangilanmoqda. Shahar markazida qad rostlayotgan “Denau Tower”
turar joy majmuasi buning yaqqol isbotidir.
Bu inshoot shunchaki uy-joy emas, balki shahar qiyofasini tubdan o‘zgartiruvchi, zamonaviylik ramziga aylanuvchi arxitektura ansambllaridan biri bo‘lishi mumkin. Ushbu turar joy majmuasi bugungi kunda nafaqat qurilish jarayonining ko‘lamini, balki shahar me’moriy qiyofasining ertangi manzarasini ham ifodalaydi. Majmua
poydevoridan boshlab, yuqori qavatlarigacha zamonaviy arxitektura yechimlarini o‘zida mujassamlashtirgan. Baland-baland ustunlar, yoyilgan keng balkonlar, yumaloq burchakli fasadlar – bularning barchasi Denovning qadimiy ruhiga zamonaviy ohang bag‘ishlamoqda.
