Qurilish-bunyodkorlik jadal taraqqiy etayotgan pallada ob’ektlarning loyiha-smeta hujjatlarini ham zamon talabiga mos holda, ortiqcha sarf-xarajatlarsiz hamda mukammal tarzda ishlab chiqish dolzarb masala hisoblanadi.
Oxirgi yillarda viloyatimiz hududlarida ham zamonaviy uy-joylar, ijtimoiy soha ob’ektlari, madaniy-ma’rifiy maskanlar ko‘plab barpo etilyapti. Boshqarmamiz xodimlari tomonidan har bir ob’ekt uchun ishlab chiqilayotgan loyiha-smeta hujjatlarida eng avvalo, xalqimizning qulayligi va xavfsizligi hisobga olinadi. “Shaharsozlik hujjatlarini ekspertiza qilish Respublika markazi” DM Buxoro viloyati boshqarmasi tomonidan 2025 yilning 1 yanvar’ sanasi bo‘yicha “Shaffof qurilish” milliy axborot tizimidagi “Loyiha-smeta hujjatlarini ekspertizadan o‘tkazish” elektron platformasi orqali kelib tushgan 968 ta ob’ektning loyihalariga yig‘ma ekspert xulosalari taqdim etildi. Ekspertiza jarayonida loyiha yechimlarini yaxshilash va ularni normativ talablarga moslashtirish, loyihalardan asossiz xarajatlarni chiqarib tashlash hisobiga tejalgan mablag‘ 253,617 mlrd so‘mni tashkil etdi.
