Қурилиш-бунёдкорлик жадал тараққий этаётган паллада объектларнинг лойиҳа-смета ҳужжатларини ҳам замон талабига мос ҳолда, ортиқча сарф-харажатларсиз ҳамда мукаммал тарзда ишлаб чиқиш долзарб масала ҳисобланади.
Охирги йилларда вилоятимиз ҳудудларида ҳам замонавий уй-жойлар, ижтимоий соҳа объектлари, маданий-маърифий масканлар кўплаб барпо этиляпти. Бошқармамиз ходимлари томонидан ҳар бир объект учун ишлаб чиқилаётган лойиҳа-смета ҳужжатларида энг аввало, халқимизнинг қулайлиги ва хавфсизлиги ҳисобга олинади.
“Shaharsozlik hujjatlarini ekspertiza qilish Respublika markazi” ДМ Бухоро вилояти бошқармаси томонидан 2025 йилнинг 1 январь санаси бўйича “Шаффоф қурилиш” миллий ахборот тизимидаги “Лойиҳа-смета ҳужжатларини экспертизадан ўтказиш” электрон платформаси орқали келиб тушган 968 та объектнинг лойиҳаларига йиғма эксперт хулосалари тақдим этилди. Экспертиза жараёнида лойиҳа ечимларини яхшилаш ва уларни норматив талабларга мослаштириш, лойиҳалардан асоссиз харажатларни чиқариб ташлаш ҳисобига тежалган маблағ 253,617 млрд сўмни ташкил этди.
