Ma’lumotlarga ko‘ra, XX asrgacha olti qavatdan baland bino qurilmagan. Bunga baland binolarga zinalar o‘rnatish, uning tepa qismiga suv chiqarish qiyinligi va boshqa omillar sabab bo‘lgan. Elektrdan foydalanish ommalashgandan so‘ng XX asr boshlarida baland binolar qurilishi boshlanib, osmono‘par binolar qurilishi esa 1930 yillardan avj oldi. Hozirgi o‘lchovlarga ko‘ra, bino osmono‘par maqomini olishi uchun u kamida 150 metr va undan baland qilib qurilishi kerak. Shuningdek, 300 metrdan baland qurilganlari juda baland osmono‘par binolar deb ataladi.
Qolaversa, hozirgi paytda dunyoda balandligi 150 metrdan oshadigan qariyb
5 mingta bino bor. Yana mingga yaqini qurilish jarayonida. Ular orasida qurib
bitkazilgan juda baland osmono‘par binolar soni 200 ga yaqin. Qurilayotganlari esa 130 tadan oshadi. Shuningdek, 200 dan oshiq osmono‘par bino qurilishi
to‘xtatilgan. Ular orasida juda baland maqomiga ega bo‘lganlari soni 40 ta.
