Bugungi kunga qadar respublika bo‘yicha 133 mingdan ortiq ob’ektda xatlov ishlari amalga oshirildi. AOKAda o‘tkazilgan brifingda Kadastr agentligi axborot xizmati rahbari Ne’mat Atamuratov o‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish yuzasidan o‘tkazilayotgan xatlov jarayonlari yuzasidan ma’lumot berdi.
Ta’kidlanishicha, 2024 yilning 5 avgust kuni “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida” O‘zbekiston Respublikasi Qonuni qabul qilindi va 8 noyabr’ sanasidan rasman kuchga kirdi. Qoraqalpog‘iston Respublikasi Vazirlar Kengashi, viloyatlar va Toshkent shahar hokimlarining taklifiga ko‘ra, Kadastr agentligi tomonidan 2024-2025 yillarda xatlov qilinadigan mahallalar reja-grafigi ishlab chiqilgan va shu asosida ishlar boshlangan
