Бугунги кунга қадар республика бўйича 133 мингдан ортиқ объектда хатлов ишлари амалга оширилди. АОКАда ўтказилган брифингда Кадастр агентлиги ахборот хизмати раҳбари Неъмат Атамуратов ўзбошимчалик билан эгаллаб олинган ер участкаларига ҳамда уларда қурилган бинолар ва иншоотларга бўлган ҳуқуқларни эътироф этиш юзасидан ўтказилаётган хатлов жараёнлари юзасидан маълумот берди.
Таъкидланишича, 2024 йилнинг 5 август куни “Ўзбошимчалик билан эгаллаб олинган ер участкаларига ҳамда уларда қурилган бинолар ва иншоотларга бўлган ҳуқуқларни эътироф этиш тўғрисида” Ўзбекистон Республикаси Қонуни қабул қилинди ва 8 ноябрь санасидан расман кучга кирди. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимларининг таклифига кўра, Кадастр агентлиги томонидан 2024-2025 йилларда хатлов қилинадиган маҳаллалар режа-графиги ишлаб чиқилган ва шу асосида ишлар бошланган
