Наманган шаҳрида йўл ҳаракати иштирокчиларига қулайлик яратиш ҳамда тирбандликни бартараф этиш мақсадида Алишер Навоий кўчасида ер усти пиёдалар ўтиш кўприги қурилмоқда.
Кўприк қурилиши ўтган йилнинг декабрь ойида бошланган бўлиб, лойиҳа қиймати 6 миллиард 219 миллион сўмни ташкил қилади. Мазкур иншоот қурилиши жиззахлик пудратчи-мутахассислар томонидан жадаллик билан олиб бориляпти.
Таъкидлаш жоизки, бир миллиондан зиёд аҳолига эга Наманган шаҳрида бу каби замонавий кўприкнинг қурилаётгани ва йил охиригача шунга ўхшаш яна тўртта йўл ўтказгични барпо этиш режалаштирилгани айни муддаодир. Бинобарин,
республикамизда биринчи бўлиб лифтли, эскалаторли ва механик пиллапояли, яъни кўп функцияли пиёдалар ўтиш йўлаги айнан Наманганда қурилаётгани эса вилоят аҳлига қувонч улашмоқда.
