Рамазон ойи – бутун мусулмон олами, жумладан, юртимиз учун муборак, шукуҳли ва улкан аҳамиятга эга. Бу ойда қалблар покланиб, гўзаллашади, руҳлар тозаланган ҳолда, нафслар жиловланади. Рамазон – қалбларимизга нур, вужудимизга соғлиқ, руҳимизга сафо олиб келадиган махсус давр. У юртимизда, айниқса, янги Ўзбекистоннинг юксалиш йўлида, миллий қадриятларни янгилаш ва маънавий тараққиётда беқиёс аҳамият касб этмоқда. Масжидларимизда Қуръони Карим хатм қилинмоқда, инсонлар ўзларини руҳан тарбиялаш йўлида мужодалага киришган.
Рамазон ойи нафақат имонимизни мустаҳкамлаш, балки жисмоний ва маънавий покланиш учун ҳам ажойиб имкониятдир. Рўзадаги асосий шартлар – саҳардан шомгача таом ейиш, ичимлик ичиш ва шаҳватдан тийилиш бўлса-да, рўзадаги
ҳақиқий мақсад, ҳақиқий тарбия, нафақат танани озиқ-овқатдан чеклаш, балки тилни ва қалбни ҳам пок тутмоқликдир
