Тошкент шаҳар Қурилиш ва уй-жой коммунал хўжалиги соҳасида ҳудудий назорат қилиш инспекцияси ишчи гуруҳи томонидан пойтахтимизнинг барча туманларида назорат тадбирлари ўтказилмоқда.
Хусусан, назорат тадбирлари давомида Сергели туманида қурилаётган кўп қаватли турар жой биноси қурилиши жараёнида бир қатор қоидабузарликлар аниқланди. Объектда техника хавфсизлиги қоидаларига риоя қилинмаётгани, ички деворларни териш ишлари лойиҳа талабларига зид равишда амалга оширилаётгани қайд
этилди. Аниқланган қоидабузарликлар юзасидан қурилиш-монтаж ишларининг лойиҳа ҳужжатларига зид равишда бажарилган қисмлари жойида буздирилди. Объект учун масъул қурилиш ташкилоти вакилларига қоидабузарликларни бартараф этиш бўйича
бажарилиши мажбурий бўлган ёзма кўрсатмалар берилди. Қурилишда аниқланган қоидабузарликлар тўлиқ бартараф этилгунига қадар объектдаги қурилиш-монтаж ишлари вақтинча тўхтатилди.
