Мамлакатимиз сўнгги йилларда кенг кўламли ислоҳотлар йўлидан бормоқда. Бу ислоҳотларнинг муҳим йўналишларидан бири – қурилиш ва архитектура соҳасидир. Чунки қурилиш соҳаси мамлакат инфратузилмасининг пойдеворини ташкил қилади ва иқтисодий ўсишнинг муҳим омилларидан биридир. Сўнгги йилларда бу соҳада олиб борилаётган ислоҳотлар, давлат дастурлари ва хусусий сектор иштирокининг ошиши Ўзбекистоннинг замонавий қиёфасини шакллантиришга хизмат қилмоқда.
Қурилиш соҳаси Хоразм вилоятида ҳам тез суръатлар билан ривожланаётган тармоқлардан биридир. Ҳудудда Ўзбекистон Республикаси Президенти ташаббуси билан бир қатор давлат дастурлари – “Обод қишлоқ”, “Обод маҳалла”, “Яшил макон” каби лойиҳалар амалга ошириляпти. Ушбу дастурлар доирасида юзлаб қишлоқ ва шаҳарларда уй-жойлар, ижтимоий иншоотлар, йўллар, муҳандислик-коммуникация
тармоқлари барпо этилмоқда. Соҳада амалга оширилаётган ишларга Хонқа тумани мисолида тўхталадиган бўлсак, кўплаб мисолларни келтиришимиз мумкин.
