Баъзан инсонни бахтли қилиш учун катта сармоялар эмас, биргина жўмракдан
оқиб турган тиниқ сувнинг ўзи кифоя. Ҳозирги кунда Андижоннинг кўплаб
маҳаллаларида айнан шундай туйғуни ҳис этиш мумкин. Боиси, ҳатто олис
қишлоқларда ҳам ичимлик суви хонадонларнинг ичигача кириб бормоқда.
Маълум масофадан сув ташиб келиш ҳолатлари тарихда қоляпти.
2025 йилнинг биринчи ярмида “Андижон сув таъминоти” акциядорлик жамияти томонидан амалга оширилган ишлар ҳам ана шу эҳтиёжларни қондиришга хизмат қилмоқда. Бунинг учун давлат дастурлари доирасида ажратилган маблағлар ҳисобига 24 километр ичимлик суви, 5 километр оқова сув тармоғи қурилди, 7 та янги иншоот
фойдаланишга топширилди. Бундан табиийки, энг аввало, ҳамюртларимиз манфаатдор бўлмоқда.
