Гулистон туманида мавжуд 29,9 километрли ички йўллардан 19,5 километрига тўлиқ асфальт-бетон ётқизилиб, қолган 10,4 километрини асфальт қилиш ишлари йил якунига қадар ниҳоясига етказилади.
Умумий лойиҳа қиймати 16 миллиард 953 миллион сўм бўлган ушбу ишларни “Сирдарё минтақавий йўлларга буюртмачи хизмати” давлат муассасаси буюртмачилигида “LION TRANS GROUP” масъулияти чекланган жамияти йўлсозлари амалга оширмоқда.
– Йўллар инсон танасидаги қон томирларга ўхшайди, – деди меҳнат фахрийси Тўлқинжон Убайдуллаев. – Бугун инсон ҳаётини йўлларсиз тасаввур этиш қийин бўлиб қолди. Давлатимиз раҳбарининг эътибори туфайли кўп йиллик йўл муаммоларига ечим топиляпти. Ибрат маҳалласи ҳудудидан ўтувчи 1 579 метр ва бошқа маҳаллалардаги носоз йўллар таъмирланди.
