Паркент – Тошкент вилоятининг мафтункор ва сўлим гўшаларидан бири сифатида нафақат юртдошларимиз, балки хорижлик сайёҳлар эътиборини ҳам ўзига жалб қилиб келаётгани сир эмас. Сўнгги йилларда бошқа ҳудудлар каби бу ерда ҳам кўплаб ўзгаришлар амалга оширилди. Янги ва замонавий иншоотлар барпо этилиб, туманнинг туризм салоҳияти янада кенгайтирилмоқда.
Ўтган ҳафтада Президент Шавкат Мирзиёев Паркент туманига ташриф буюриб, аҳолининг турмуш тарзи, иқтисодий ривожланиш ва амалга оширилаётган янги лойиҳаларни кўздан кечирди. Ташриф чоғида Президентимиз ҳудудда замонавий ин-
фратузилмани яратиш, иқтисодий ва ижтимоий тараққиётни жадаллаштириш, халқ фаровонлигини оширишга йўналтирилган бир қанча йирик лойиҳалар билан танишди.
