Бир неча йил аввал Нукус шаҳридаги “Жеке терек” маҳалла фуқаролар йиғини ҳудудида 16 қаватли 80 хонадонли 5 та бино қад ростлаган эди. Атрофи ободонлаштирилиб, янги инфратузилма яратилди. Кўплаб инсонлар янги уй-жойларга кўчиб келиб, ҳудуд шаҳар ичидаги алоҳида кичик аҳоли
пунктига айланди.
Қурилиш ишлари шу билан тўхтаб қолгани йўқ. Яқиндан бу ерда ушбу биноларга қўшимча тарзда яна 16 қаватли 80 хонадонли 4 та иншоот қурилиши бошланди. Айни пайтда уларнинг бирида бетон ишлари тўлиқ якунланиб, деворларга газобетон териш, сиртини қоплаш жараёни давом этаётган бўлса, яна бир бинонинг бетон ишлари 8 қаватгача етказилган. Қолган иккита бино учун ер тайёрланиб, пойдевор
қуйишга тайёргарлик кўрилмоқда.
