Талабалик – чексиз имкониятлар даври, улкан мақсадлар сари олиб борувчи, умримизнинг завқу шавққа тўлган энг гўзал палласидир. Бу даврда олинган билим эса келажакдаги орзулар сари илдам қадам ҳисобланади
Бугунги кунда юртимиз талабаларига бу борада яратилган кенг имкониятларга ҳавас қилсак, арзийди. Хусусан, уларнинг келажакда танлаган соҳасининг етук мутахассиси бўлиши учун тегишли ташкилотлар билан самарали ҳамкорлик алоқалари ўрнатилган. Малакали мутахассислар иштирокида ўтказилаётган семинар ва тадбирлар эса бўлажак кадрлар учун катта аҳамиятга эга. Хусусан, бу борада “Йўл лойиҳа бюроси” МЧЖ ҳамда Тошкент Кимё халқаро унверситети билан ҳамкорликда ташкил
этилган семинар ҳам келгусида яхши натижа беришига ишонамиз. “Йўл лойиҳа
бюроси” МЧЖ бугунги кунда йўлларни лойиҳалаш бўйича юртимизда яхши натижаларга эришиб келаётган ташкилотлардан биридир. Шу сабабли, юртимиздаги қурилиш соҳасига алоқадор олий ўқув юртлари билан кўплаб ҳамкорлик
алоқалари ўрнатилган. Тошкент Кимё халқаро университетининг Йўл ҳаракати муҳандислиги ва бошқаруви кафедраси, йўл ҳаракатини бошқариш таълим йўналиши талаба-ёшлари иштирокида ўтказилган семинар ҳам уларда катта таассурот уйғотди.
Семинарда МЧЖнинг лойиҳа бош мутахассиси Беҳзоджон Холиқов томонидан “Автомобиль йўлларини лойиҳалаш босқичида ҳаракат иштирокчилари хавфсизлигини таъминлаш ва уларга қулайлик яратиш” мавзусида тақдимот қилинди. Ўйлаймизки, қизғин савол-жавоб ва муҳокамаларга бой ўтган учрашувда олган билимлари келажакда талабаларга асқатиши шубҳасиз.
