Сунъий интеллект (СИ) – бу инсон ақлий фаолияти ва хаттиҳаракатларига тақлид қилувчи компьютер тизимларидан фойдаланадиган технологиядир. Сунъий интеллект тиббиёт, фан, муҳандислик, таълим ва бизнес каби турли соҳаларда кенг қўлланилади.
Иқтисодиётда СИ ривожланишининг асосий йўналишларидан бири
бу – ишлаб чиқариш жараёнларининг самарадорлигини оширишдир. Ундан фойдаланиш кўплаб ишлаб чиқариш жараёнларини автоматлаштириш,
ишлаб чиқариш вақтини қисқартириш, хатоларни камайтириш ва маҳсулот сифатини ошириш имконини беради. Шу билан бирга, компаниялар ўз захираларини бошқариш, ишлаб чиқаришни оптималлаштириш, сифат назоратини ошириш ва ишлаб чиқариш харажатларини камайтириш учун СИдан фойдаланишлари мумкин. СИ ривожланишининг яна бир муҳим йўналиши – янги маҳсулот ва хизматларни яратишдир. СИдан фойдаланиш компанияларга илгари мавжуд бўлмаган инновацион
маҳсулот ва хизматларни яратиш имконини беради.
