Ҳаётда яхшилар кўп. Яхшиларнинг яхшиликлари ҳақида сўз юритиш, улар
ҳақида ижобий фикрлар айтиш эса жуда ҳам ёқимли. Бундай инсонлар
тўқувчи, қурувчи, учувчи, ёзувчи ёки бошқа касб эгаси бўлиши мумкин.
Аммо ҳаммасининг ажойиб инсон экани, одамларга фақат ижобий
тилаклар билдириши, эзгу ишларнинг бошида туриши бор гап.
Самарқанд вилояти, қолаверса, мамлакатимиз бунёдкорлари сафида неча йиллардан буён ғайрат кўрсатиб келаётган, қанчадан-қанча ҳамкасбларига намуна бўлаётган Баҳром Назаров ҳақида ҳам ана шундай сўзларни айтиш мумкин. Бугун яқинлари, дўстлари даврасида ўзининг 50 ёшини хушнудлик билан қарши олаётган бу инсон қалбининг ниҳоятда гўзаллиги, дўстларига меҳрибонлиги, садоқати, масъулияти мароқ билан тилга олиниши бежиз эмас.
